Activities

छात्रवृत्ति कोष उद्घाटन

छात्रवृत्ति कोष उद्घाटन

मिस मंगोल छात्रवृत्ति कोषको भव्य कार्यक्रमवीच काठमाडौंमा उद्घाटन गरिएको छ । आर्थिक अभावले विद्यालय जान नसकेका बालबालिकाको शिक्षाका लागि मिस मंगोल नेपाल २०१८ का विजेताले सुरु गरेको यस कोषको न्युनतम लक्ष्य ५० लाख रुपैयाँ तय गरिएको छ । विद्यार्थी राजनीतिबाट उदाएका प्रभावशाली युवानेता एवं सांसद योगेश भट्टराईको प्रमुख आतिथ्यमा भएको उद्घाटन समारोहमा विभिन्न क्षेत्रका लब्धप्रतिष्ठित व्यक्तिको उपस्थिती थियो ।

५० लाखको छात्रवृत्ति घोषणा

५० लाखको छात्रवृत्ति घोषणा

मिस मंगोल नेपालका विजेताले ५० लाख रुपैयाँको छात्रवृत्ति कोष घोषणा गरेका छन् । मिस मंगोल नेपाल– २०१८ जाङ्मु शेर्पा, फस्ट रनरअप प्रीति गुरुङ र सेकेन्ड रनरअप पुनम शेर्पाको संयुक्त पहलमा कोष घोषणा गरेका हुन् । असहाय एवं आर्थिक अभावले विद्यालय जान नपाएका बालबालिकालाई कोषमार्फत छात्रवृत्ति उपलब्ध गराइनेछ । यो छात्रवृत्ति राजधानी वा मोफसलमा अध्ययनरत विद्यार्थीलाई जुनसुकै कक्षाबाट एसईईसम्मका लागि दिइनेछ ।

कोरियामा मिस मंगोललाई सम्मान

कोरियामा मिस मंगोललाई सम्मान

मिस मंगोल नेपाल– २०१८ जाङ्मु शेर्पाले मिस मंगोल छात्रवृत्ति कोषका बारेमा दक्षिण कोरियामा छलफल गरेकी छन् । दक्षिण कोरियामा क्रियाशील विभिन्न नेपाली संघसंस्थासँग उनले कोषका बारेमा छलफल गरेकी हुन् । ‘हाम्रो अभियानलाई धेरैले प्रशंसा गर्नुभएको छ’, जाङ्मुले भनिन्, ‘म उत्साहित भएकी छु । अन्य मुलुकमा पनि कोषका बारेमा जानकारी दिन कार्यक्रम बनाउँदै छौं ।’

युरोपबाट वल्र्ड टुर

युरोपबाट वल्र्ड टुर

मिस मंगोल छात्रवृत्ति कोषको सहयोगार्थ विश्वका विभिन्न मुलुकमा कार्यक्रम हुने भएको छ । ‘मिस मंगोल स्कलरसिप फन्ट राइजिङ वल्र्ड टुर’ नाम दिइएको यो कार्यक्रम युरोपबाट सुरु हुने भएको छ । पहिलो चरणमा युरोपको फ्रान्स, बेल्जियम र पोर्चुगलमा हुने कार्यक्रममा सहभागी हुन मिस मंगोल नेपाल–२०१८ जाङमु शेर्पा जुन १२ तारेख त्यसतर्फ जाँदैछिन् ।

Miss Mongol Scholarship Fund | Head Office: Anamnagar, Kathmandu (Nepal)
Ph: 9823579688 | Web: www.missmongolscholar.com | Email: missmongolscholar@gmail.com